NAVEGA CON RUMBO

Hoxe o alumnado de 5º e 6º de primaria recibiu unha charla por parte de Juan Hermo da Escola de Enxeñeiros Informáticos de Galicia en relación coa navegación segura en Internet. 

Trátase dun programa levado a cabo cada curso no colexio, xunto coa charla que a Garda Civil imparte ao alumnado, familias e profesorado. 

É un tema moi relevante hoxe en día no que tanto os nenos e nenas como as familias deben estar informados co fin de evitar determinados riscos na rede.

Facilitámosvos o enlace para acceder á información, xogos, etc.

O doce mundo do mel de Galicia

Gracias a Beatriz Ríos Cebreiros, do Consello Regulador Denominación Xeográfica Protexida "Mel da Galicia", tivemos unha charla sobre as abellas e o mel.
Ao remate da charla agasallounos cun bote de mel e un globo.
Resultou moi interesante e resolveunos as nosas dúbidas.

Recibimos un agasallo!

O venres o alumnado de 5º e 6º de primaria abriu o agasallo que realizou ao colexio o Centro de Información ás Mulleres pola nosa colaboración nas curtas sobre a igualdade entre mulleres e homes. 
Xa o estreamos. Foi todo un éxito!

8M Día da Muller

O 8 de marzo o alumnado de 5º e 6º asistiu á presentación dos audiovisuais nos que traballaron ao longo deste curso en relación coa igualdade entre mulleres e homes.

Trampas para avespa velutina

O ano pasado, Franciso Ogando, apicultor da Asociación do Morrazo de Apicultoras/es, estivo co alumnado de 4º, 5º e 6º de Primaria. Este ano é a quenda do alumnado de 3º e 4º de Primaria quen recibiu a charla do apicultor e colaborou na elaboración de trampas para atrapar ao principal inimigo actual das abellas, a avespa velutina.

Semana da Prensa

Do 13 ao 17 de Marzo se celebra a Semana da Prensa e traballamos nas clases co Diario de Pontevedra, que repartiu aos coles prensa diaria para o traballo cun suplemento para aprender sobre as seccións dun periódico, o nome de cada parte dunha noticia e incluso nos convertemos en redactoras e redactores por un día. 

Raquel Queizás na biblio do cole

Raquel Queizás volveu contar contos na biblioteca do colexio. 
Nesta ocasión, o alumnado de 3º e 4º de Primaria a través dos seus contos viaxou por diferentes continentes.