Excursión a Ourense: moita auga!

Aquí tedes unhas fotografías da excursión de 4º, 5º e 6º de Primaria a Ourense, onde visitamos a exposición "H2OH!", as fontes das Burgas, a ponte romana, a catedral... e ata nos bañamos nas termas de Outariz. Tivemos un día estupendo e disfrutamos dabondo.

Obradoiro sobre estereotipos de xénero.

Hoxe estivo Beatriz Monroy Cardosa, psicóloga do Centro de Información ás Mulleres (CIM) co alumnado de 5º e 6º de Primaria. 
O obxectivo do obradoiro consistiu en aprender a identificar estereotipos de xénero e desmontalos. 

Aprendendo a salvar vidas

Hoxe o alumnado de 4º e 5º de Primaria tivo a sorte de que Catuxa da Cruz Vermella viñera ao colexio para ensinarlles como se pode salvar unha vida. 
A través da práctica cada alumna/o pudo aprender a socorrer a unha persoa que se atraganta, que se atopa inconsciente, que precisa dunha RCP (reanimación cardiopulmonar)... e ademais aprenderon que o número de teléfono 112 é vital en caso de emerxencia. Aquí tedes unhas imaxes desta sesión.

O alumnado que remata Infantil visita 1º de Primaria

O derradeiro martes deste curso o alumnado de 6º de Infantil visitou a aula de 1º de Primaria para coñecer as aulas do corredor superior e preguntar aos nenos e nenas como foi a súa experiencia en Primaria. 

A GALIÑA AZUL

  Animación feita coa técnica de STOP MOTION polo alumnado de 5º de primaria coa colaboración dos nenos e nenas de 6º de infantil.

A estupenda excursión de 1º e 2º

Excursión á CASA DO PATRÓN en Lalín. Unha visita recomendable ao museo etnográfico, andaina e obradoiro de cerámica. Interesantísima!

O alumnado de 6º visita o IES Illa de Ons

O alumnado de 6º de primaria dos colexios de Cela e Beluso visitou no día de hoxe o IES Illa de Ons, onde continuará a súa formación o vindeiro curso. Resultou unha actividade moi interesante e ademais nos invitaron a merendar e a xogar coa asociación Corredoiras.