Unha escaleira con mensaxes

Hoxe as escaleiras de 1º a 4º de Primaria enchéronse de mensaxes. Queredes velas? Aquí as tedes nesta fotografía:

Xa chegou o novo material da Patrulla de Patio!

A PATRULLA DE PATIO de 5º de Primaria xa conta con novo material de xogo e unha caixa nova con rodas para transportar os xogos. Así o patio transfórmase nun espazo máis divertido e inclusivo. Entre o novo material atopamos trompos, un xogo para encestar pelotas, gomas elásticas, cordas...

Relaxámonos á chegada do recreo

O alumnado de 2º de Primaria desfruta moito coa relaxación tras o tempo de recreo. É un momento de descanso que posibilita un maior e mellor rendemento na actividade que realizará a continuación. Ademais aprovéitase a actividade para descubrir música relaxante con diferentes instrumentos musicais. Nesta imaxe o alumnado reláxase coa melodía dun saxofón e, a continuación, realízanse movementos coordinados coa respiración antes de iniciar o tempo de lectura.

Conferencia sobre acoso escolar

Outro curso máis, da man da Garda Civil, o alumnado de 4º, 5º e 6º de Primaria recibíu unha conferencia sobre acoso escolar. Trátase dunha das accións acometidas desde o centro para previr os conflitos nas relacións entre o alumnado.

Xornada para familias: "CLAVES PARA EDUCAR EN IGUALDADE"

3 de decembro: día da diversidade funcional

Hoxe, en diferentes espazos do colexio, Finu -mestra de Audición e Linguaxe-, Manu -mestre de Pedagoxía Terapéutica-; Vanessa -orientadora; e María José -mestra de apoio de Educación Infantil-, leron uns contos moi especiais co fin de amosar ao alumnado que todas e todos somos diferentes e compartimos a necesidade de que nos queiran e non nos rexeiten.

Se tedes interese en ler estes contos na casa, podedes atopalos na biblioteca do cole e descubrir que, aínda que teñamos máis ou menos peso ou pelo, sexamos máis ou menos movidas..., cada unha de nós debe respectar as diferenzas e ser quen de poñerse no lugar das outras persoas, valorando a diversidade.
 
- Te quiero, casi siempre.

- Topito Terremoto.

- Pelaíto.

- Malena Ballena.

Continuamos con experiencias científicas abraiantes.

Hoxe o alumnado de 3º, 4º, 5º e 6º de Primaria realizou diferentes experiencias a partir do método científico. Aprendeu que dos erros se aprende e a importancia de tentar buscar resposta aos erros.

O alumnado de 3º amosounos que é a capilaridade e a mestura de cores empregando vasos de agua con colorante alimentario.

O alumnado de 5º amosounos un produto que revela se temos placa dental nos nosos dentes e a continuación cepillou os dentes para conseguir un cepillado espectacular.

Dúas alumnas de 5º e 6º realizaron unha experiencia moi interesante, consistente en mesturar auga fría con colorante azul e auga quente con colorante vermello e a auga quente colocouse por enriba da fría sen chegar a mesturarse debido a que a auga quente ten menor densidade que a auga fría.

Tres grupos de 6º realizaron cadansúa experiencia. Un dos grupos amosounos como a auga ascende ao colocar unha vela encendida dentro dun bol e cubrila cun tarro de cristal debido á falta de osíxeno ao que é sometida a combustión da vela. Outro dos grupos non conseguíu o obxectivo de facer bailar a mestura de fariña con auga sobre unha bandexa apoiada nun amplificador e explicou o que debería suceder, convidando ao alumnado espectador a probar a facelo na súa casa.

Un grupo de 4º amosou que cun CD, unha tapa de botella de pitorro e pegamento, podemos ter un aerodeslizador que se move grazas ao aire que hai baixo a superficie do CD.