Máis que 3R no cole Montemogos

O noso centro foi seleccionado pola Deputación de Pontevedra para participar no Congreso Revitaliza no mes de maio. O proxecto do noso centro enmárcase dentro do plan SOStibilidade que estamos a desenvolver este curso. Para participar no congreso, decidimos ir máis alá da simple recollida de restos orgánicos.

Todo o alumnado vai colaborar coa recollida dos restos orgánicos das súas merendas, co que se conseguirá o compost, e, ademais, o alumnado de 4º fará uso do método científico para coñecer o proceso de degradación de tres tipos diferentes de bolsa (plástica, biodegradable, compostable) que imos manter dentro do composteiro do cole.

Hoxe, na biblioteca, o alumnado de 4º presentou o proxecto ao resto do alumnado do colexio.

Aprende máis sobre compostaxe.

Aquí tedes unha imaxe durante a súa presentación.

 Nestoutra imaxe, o alumnado presenta a nova actividade de reciclaxe para xogar co escornabot.

UN CAN CHEO DE ÓSOS

O alumnado de 3º de Primaria deixou abraiado a todo o cole coa súa presentación da clasificación dos animais en vertebrados e invertebrados. Ademais, trouxeron un esquelete real dun can e fórono montando, óso a óso. Foi unha experiencia moi interesante!

Aquí atoparás máis imaxes da actividade. E aquí podedes acceder á súa presentación:

Saúde na escola por Érguete

O alumnado de 6º comezou esta semana un obradoiro que continuará a vindeira semana sobre prevención da adicción ás drogas impartido por María, técnica da Asociación Érguete para a prevención e intervención en condutas adictivas.

Na última semana do mes, o obradoiro centrarase na prevención da adicción ás tecnoloxías (móbiles, videoxogos, redes sociais...). O feito de que se imparta este obradoiro dende a Asociación Érguete débese a que os síntomas que provocan ambas adiccións son moi similares.

Unha escaleira con mensaxes

Hoxe as escaleiras de 1º a 4º de Primaria enchéronse de mensaxes. Queredes velas? Aquí as tedes nesta fotografía:

Xa chegou o novo material da Patrulla de Patio!

A PATRULLA DE PATIO de 5º de Primaria xa conta con novo material de xogo e unha caixa nova con rodas para transportar os xogos. Así o patio transfórmase nun espazo máis divertido e inclusivo. Entre o novo material atopamos trompos, un xogo para encestar pelotas, gomas elásticas, cordas...

Relaxámonos á chegada do recreo

O alumnado de 2º de Primaria desfruta moito coa relaxación tras o tempo de recreo. É un momento de descanso que posibilita un maior e mellor rendemento na actividade que realizará a continuación. Ademais aprovéitase a actividade para descubrir música relaxante con diferentes instrumentos musicais. Nesta imaxe o alumnado reláxase coa melodía dun saxofón e, a continuación, realízanse movementos coordinados coa respiración antes de iniciar o tempo de lectura.

Conferencia sobre acoso escolar

Outro curso máis, da man da Garda Civil, o alumnado de 4º, 5º e 6º de Primaria recibíu unha conferencia sobre acoso escolar. Trátase dunha das accións acometidas desde o centro para previr os conflitos nas relacións entre o alumnado.